ម៉ូតូពីរគ្រឿងបុកគ្នាបណ្តាលឲ្យរងរបួសធ្ងន់ទាំងសងខាង
Cambodia News
ភ្នំពេញ៖ កាលពីម៉ោង២២និង៤០នាទីយប់ ថ្ងៃទី៩ ខែមេសា បុរសម្នាក់ជិះម៉ូតូស្កុកពី ពណ៌ឈាមជ្រូក លឿនដូចហោះ ចាប់ហ្វ្រាំងមិនទាន់ ជ្រុលទៅបុកម៉ូតូវ៉េវអ៊ី ពណ៌ស ពេញទំហឹង ត្រង់ចំណុចស្តុប៣៦៦ មុខផ្សារដើមគ លើកំណាត់ផ្លូវម៉ៅសេទុង ប្រសព្វនិងផ្លូវ៣៣៦ ក្នុងសង្កាត់បឹងសាឡាង ខណ្ឌទួលគោក បណ្តាលឲ្យម្ចាស់ម៉ូតូទាំងសងខាងរងរបួសធ្ងន់។
ប្រភពព័ត៌មានពីសមត្ថកិច្ចបានឲ្យដឹងថា មុនកើតហេតុគេឃើញម៉ូតូស្កុកពី ពណ៌ឈាមជ្រូក បើកបរដោយបុរសម្នាក់ លឿនដូចហោះ តាមបណ្តោយផ្លូវម៉ៅសេទុង ក្នុងទិសដៅពីជើងទៅត្បូង លុះទៅដល់ចំណុចកើហេតុ ចាប់ហ្វ្រាំងមិនទាន់ ក៏ជ្រុលទៅបុកម៉ូតូវ៉េវអ៊ី ពណ៌ស ដែលជិះច្រាស់គ្នា បត់ឆ្វេងទៅតាមផ្លូវលេខ៣៣៦ ពេញទំហឹងបណ្តាលឲ្យម្ចាស់ម៉ូតូទាំងសងខាងរងបួសធ្ងន់។
ក្រោយកើតហេតុជនរងគ្រោះ ត្រូវបានរថយន្តសង្គ្រោះបន្ទាន់ ដឹកយកទៅព្យាបាលនៅគ្លីនិកឯកជន ចំណែកម៉ូតូទាំង២គ្រឿង សមត្ថកិច្ចយកទៅរក្សាទុកនៅអធិការដ្ឋានខណ្ឌទួលគោក៕ ហេង នាង
