អូស្រ្តាលីនឹងរៀបចំពិព័រណ៍ទេសចរណ៍របស់ខ្លួននៅប្រទេសចិន
នាយករដ្ឋមន្រ្តីអូស្រ្តាលី លោកស្រី Julia Gillard បានប្រកាសថា រដ្ឋាភិបាលអូស្រ្តាលីនឹងរៀបចំព្រឹត្តិការណ៍ពិព័រណ៍ទេសចរណ៍មួយ សម្រាប់រយៈពេលមួយសប្ដាហ៍នៅក្នុងប្រទេសចិនដោយហៅពិព័រណ៍នោះថា សប្ដាហ៍អូស្រ្តាលី (Australia Week) ក្នុងគោលបំណងរឹតចំណងទំនាក់ទំនងសេដ្ឋកិច្ចរវាងប្រទេសអូស្រ្តាលីនិង ចិន។
លោកស្រីមានប្រសាសន៍ថា ព្រឹត្តិការណ៍នេះនឹងមានលក្ខណៈស្រដៀងគ្នានឹងអ្វីដែលអូស្រ្តាលី ធ្លាប់បានរៀបចំឡើងជាទៀងទាត់នៅសហរដ្ឋអាម៉េរិក ដោយមានបង្ហាញអំពីមនុស្សល្បីល្បាញនិងផលិតផលរបស់ប្រទេស អូស្រ្តាលី។
សប្ដាហ៍អូស្រ្តាលីសម្រាប់ប្រទេសចិនជាលើកដំបូង នឹងរៀបចំឡើងនៅក្រោយពាក់កណ្ដាលឆ្នាំក្រោយ។
Our aspiration is to take some of the things that we’ve learned from the very successful work both in New York and in LA where we have got a white hot spotlight on Australia and the opportunities and advantages of doing business with Australia of coming to Australia of being a consumer of Australian cultural exports…
លោកស្រីបានមាន ប្រសាសន៍ថា សេចក្ដីប្រាថ្នារបស់យើង គឺជាការនាំយកនូវភាពជោគជ័យដែលរៀនសូត្របានពីក្រុងញូវយ៉ក និង Los Angeles ជាទីដែលយើងស្រូបយកបានការចាប់អារម្មណ៍ពិសេសមកលើប្រទេស អូស្រ្តាលី រួមទាំងឱកាសនិងសារៈប្រយោជន៍ក្នុងការប្រកបជំនួញជាមួយអូស្ត្រាលី ក្នុងការមកលេងអូស្រ្តាលី ឬក្នុងនាមជាអ្នកប្រើប្រាស់ផលិតផលវប្បធម៌នាំចេញពីប្រទេស អូស្ត្រាលី៕ (Radio Australia)
