អូស្រ្តាលីទទូចឲ្យកូរ៉េខាងជើងបញ្ចប់ការបង្ករឿងនិងចូលរួមចរចាដើម្បីកសាងការទុកចិត្តគ្នា
នាយករដ្ឋមន្រ្តីអូស្រ្តាលី បាននិយាយថាតាមទូរស័ព្ទជាមួយប្រធានាធិបតីនៃ ប្រទេសកូរ៉េខាងត្បូង ស្ដីអំពីការគំរាមកំហែងពីកូរ៉េខាងជើង។
នៅ មុនការចាកចេញដំណើរឆ្ពោះទៅកាន់ប្រទេសចិន លោកស្រី Julia Gillard បាននិយាយតាមទូរស័ព្ទជាមួយប្រធានាធិបតីកូរ៉េខាងត្បូង ដោយលោកស្រីសម្ដែងនូវក្ដីព្រួយបារម្ភអំពីសកម្មភាពនិងសេចក្ដីការថ្លែងការណ៍ជាលក្ខ ណៈ បង្ករឿងរបស់មេដឹកនាំកូរ៉េខាងជើង គឹម ជុង អ៊ុន។
លោកស្រីនាយករដ្ឋមន្រ្តីអូស្រ្តាលី មានប្រសាសន៍ថា ប្រទេសអូស្រ្តាលីនឹងបន្តអំពាវសុំឲ្យកូរ៉េខាងជើងបញ្ចប់សកម្មភាព បង្ករឿង ហើយក៏បានទទូចសុំឲ្យកូរ៉េខាងជើងចូលនៅក្នុងកិច្ចចរចាដើម្បី កសាងទំនុកចិត្ត ដូចអ្វីដែលប្រទេសកូរ៉េ ខាងត្បូងបានផ្ដល់។
គួរជម្រាបថាលោក Julia Gillard ធ្វើទស្សនកិច្ចផ្លូវការទៅប្រទេសចិនរយៈ ពេល៥ថ្ងៃ និងអមដំណើរដោយលោក Bob Carr រដ្ឋមន្រ្តីការបរទេសអូស្រ្តាលី។
ចំណែក ឯរដ្ឋមន្ត្រីការពារជាតិរបស់អូស្រ្តាលី លោក Stephen Smith ថ្លែងថា រដ្ឋាភិបាលអូស្រ្តាលីមានផែនការត្រៀមរួចជាស្រេចដើម្បីសន្ដិសុខ សម្រាប់ពលរដ្ឋអូស្រ្តាលីរាប់ពាន់នាក់ដែលជាទេសចរនិងអ្នករកស៊ីនៅកូរ៉េខាងត្បូង៕ (Radio Australia)
