យុវជនម្នាក់ត្រូវរថយន្ត កុងតឺន័របុកបណ្តាលឲ្យរងរបួសធ្ងន់
Cambodia News
ភ្នំពេញ៖ កាលពីវេលាម៉ោង ១០៖៣០នាទី យប់ថ្ងៃទី៤ ខែមេសា និស្សិតម្នាក់បាន រងរបួសធ្ងន់ ខណៈកំពុងជិះម៉ូតូ ត្រូវរបស់ក្រុមហ៊ុន តេងឡាយ បុក ស្ថិតនៅមុខវិទ្យាល័យ ជម្ពូវ័ន្ត ភូមិជម្ពូវ័ន្ត សង្កាត់ចោមចៅ ខណ្ឌពោធិ៍សែនជ័យ។
ជនរងគ្រោះ មានឈ្មោះ ផាត់ សុភារិទ្ធ ភេទប្រុស អាយុ២៥ឆ្នាំ មុខរបរជានិស្សិត នៅវិទ្យាស្ថាន សុខាភិបាល នៃកងយោធពល ខេមរភូមិន្ទ មានទីលំនៅ នៅភូមិត្រពាំងលើក សង្កាត់រការធំ ក្រុងច្បារមន ខេត្តកំពង់ស្ពឺ ។ ដោយឡែក អ្នកបើករថយន្ត មិនស្គាល់អត្តសញ្ញាណនោះទេ ហើយក្រោយកើតហេតុ បានរត់គេចខ្លួនបាត់ទៅ។
មុនពេលកើតហេតុ គេឃើញម៉ូតូមួយគ្រឿង ម៉ាក សេ១២៥ ពណ៌ខ្មៅ ស៊េរី២០១០ ពាក់ស្លាកលេខ ភ្នំពេញ 1AR-4056 ធ្វើដំណើរ ក្នុងទិសដៅ ពីកើតទៅលិច យ៉ាងលឿន ក្នុងស្ថានភាពស្រវឹង លុះទៅដល់ចំណុច កើតហេតុ ក៏បុកជាមួយ រថយន្តកុងតឺន័យ របស់ក្រុមហ៊ុន តេងឡាយ ពាក់ស្លាកលេខ ភ្នំពេញ 3A-1691 ក្នុងទិសដៅ ពីលិចទៅកើត ខណៈរថយន្តប្រុងបត់ចូល ផ្លូវ QMI។
សមត្ថកិច្ច បានបន្តថា ក្រោយកើតមានគ្រោះថ្នាក់ ចរាចរណ៍ខាងលើនេះ ក្រុមជួយសង្រ្គោះ និងរថយន្ត របស់អង្គភាព៧១១ នៃកងពលតូចលេខ៧០ បានទៅដល់កន្លែង កើតហេតុភ្លាមៗ ហើយដឹកជនរងគ្រោះ ទៅកាន់មន្ទីរពេទ្យ កាល់ម៉ែត ដើម្បីសង្គ្រោះ៕ ហេង នាង
