ក្រសួងការបរទេសវៀតណាមទាមទារឲ្យចិនសងការខូចខាតដល់ទូកនេសាទវៀតណាម
ប្រទេស វៀតណាមបានចោទប្រកាន់នាវាចិនថាបានធ្វើការបាញ់ប្រហារមកលើទូក នេសាទវៀតណាមនៅក្នុងដែនទឹកដែលមានជម្លោះក្នុងសមុទ្រចិនខាង ត្បូង។
រដ្ឋមន្ត្រីការបរទេសវៀតណាម មានប្រសាសន៍ថា កាលពីសប្ដាហ៍មុន ទូកនេសាទវៀតណាមបានធ្វើការនេសាទនៅក្បែរប្រជុំកោះ Paracel នៅពេលទូកនេសាទនោះជួបនឹងការប្រដេញ និងបាញ់ប្រហារពីសំណាក់នាវាចិន បណ្ដាលឲ្យឆេះបន្ទប់នៅលើទូក។
ក្រសួង ការបរទេសវៀតណាមមិនបានបញ្ជាក់ពីប្រភេទនៃនាវាចិនដែលរងការចោទ ប្រកាន់នោះទេ។ ទោះបីជាយ៉ាងនេះក្ដី ក្រសួងការបរទេសវៀតណាមបានចេញនូវការតវ៉ាយ៉ាងខ្លាំងមួយចំពោះអ្វី ដែលគេហៅថា ជាការរំលោភយ៉ាងធ្ងន់ធ្ងរទៅលើអធិបតេយ្យភាពដែនដីរបស់ខ្លួន។
ក្រសួងការបរទេសវៀតណាមបានអំពាវនាវឲ្យប្រទេសចិនសងការខូចខាតដល់ក្រុមអ្នកនេសាទ។
វៀតណាម និងចិនគឺជាប្រទេសពីរដែលបច្ចុប្បន្ននេះបានទាមទារយកតំបន់ ប្រជុំកោះ Paracel និង Spratley ថាជាដែនដីរបស់ខ្លួនទៅលើ។ ប្រជុំកោះ Paracel និង Spratley គឺជាតំបន់ជម្លោះដែនដីអន្តរជាតិមួយនៅក្នុងសមុទ្រចិនខាងត្បួង៕(Radio Australia)
