សម្ថកិច្ចធ្វើការបង្ក្រាបក្រុម ចោរប្លន់ម៉ូតូបានភ្លាមៗ នៅសង្កាត់ទួលសង្កែ
Cambodia News
ភ្នំពេញ៖ កាលពីវេលាម៉ោង ១:០០នាទីរសៀលថ្ងៃទី២៦ ខែមីនា ឆ្នាំ២០១៣នេះ មានករណីប្លន់ម៉ូតូស្កូពី សេរី 2013 ដែល ស្លាកលេខ ភ្នំពេញ 1BS -2683 ពណស លាយខ្មៅ នៅនឹងមុខផ្ទះរបស់ ជនរងគ្រោះតែម្តង ដែលមានទីតាំង ស្ថិតនៅក្នុង បុរីណៃសុវណ្ណ ច្រកទីបី សង្កាត់ទួលសង្កែរ ខណ្ឌឫស្សីកែវ។
បន្ទាប់ពីមានករណី បាញ់ប្លន់ម៉ូតូស្កុបពីបានសម្រេច នៅក្នុងបុរី ណៃសុវណ្ណ ក្នុងសង្កាត់ទួលសង្កែ ខណ្ឌឫស្សីកែវ នារសៀលថ្ងៃទី២៦ ខែមីនា ឆ្នាំ២០១៣នេះ កម្លាំងនគរបាលការិយាល័យកណ្ដាលយុត្ដិធម៌ រាជធានីភ្នំពេញ និងកម្លាំងនគរបាលខណ្ឌឫស្សីកែវ បានដេញប្រម៉ាញ់ក្រុម ចោរទាំងនេះ រហូតដល់ឃាត់ខ្លួនមុខ សញ្ញាជាជំហានដំបូងជិត ១០នាក់។
ក្នុងការឃាត់ខ្លួនមុខសញ្ញានោះ ក៏មានជនដៃដល់ពិតប្រាកដផងដែរ ហើយគិតត្រឹមវេលាម៉ោង ២និង៣០នាទី រសៀលថ្ងៃដដែលនេះ ជនដៃដល់ម្នាក់ទៀត បាននិងកំពុងពួននៅក្នុងទឹកបឹង ខណៈដែលកម្លាំង នគរបាលកំពុងធ្វើការឡោមព័ទ្ធ។
សេចក្តីរាយការណ៍ ពីកន្លែងកើតហេតុ បានឲ្យដឹងថា ក្រុមចោរមានគ្នា៣នាក់ ប្រដាប់ដោយ កាំភ្លើងខ្លីមួយដើម ម៉ាកឡុក បានភ្ជង់ជនរងគ្រោះ ឈ្មោះ ចាន់ធី អាយុ៤៥ឆ្នាំ ជាអ្នកឌុប និងក្មេងស្រី ឈ្មោះ ហុក ស្រីអូន យកខ្សែករ និង ទាញយក ម៉ូតូ ជិះចេញ តែម្តង ទាមទ្វារក្រោយដោយសារ តែគ្មានសន្តិសុខ យាមនៅទីនោះ។ ដោយឃើញ ហេតុការណ៍នេះ បងប្រុសរបស់ជនរងគ្រោះ ក៏បានចេញពីក្នុងផ្ទះ ហើយទៅប្រទាញយក ម៉ូតូមកវិញ ភ្លាមនោះ ក្រុមចោរ បានបាញ់តំរង់គាត់ តែសំណាងល្អមិន ត្រូវគាត់ឡើយ។
ដោយឡែកម៉ូតូរបស់ជនរងគ្រោះ ម៉ាកស្កុបពី ពណ៌សលាយខ្មៅ ស៊េរី ២០១៣ ដែលក្រុមចោរបាញ់ប្លន់បានសម្រេច នៅក្នុងបុរីណៃសុវណ្ណ ក៏ត្រូវបានសមត្ថកិច្ចដកហូតមកវិញដែរ រួច ប្រគល់ជូនជនរងគ្រោះវិញ ។
បច្ចុប្បន្នជនសង្ស័យទាំងអស់ ស្ថិតក្រោមការសាកសួរ ដើម្បីស្វែងរកជនដៃដល់ពិតប្រាកដ រីឯជនដៃដល់ ម្នាក់ទៀត ដែលជាមុខសញ្ញាពិតប្រាកដ នោះ ត្រុវបានសមត្ថកិច្ចឡោមព័ទ្ធ ខណៈដែលជនសង្ស័យរូបនេះ កំពុងពួននៅក្នុងទឹកបឹង៕ ហេង នាង
