កូរ៉េខាងជើងគំរាមប្រឆាំងមូលដា្ឋនអាមេរិកនៅជប៉ុននិងនៅ Guam
កូរ៉េខាងជើង បានគំរាមនៅថ្ងៃព្រហស្បតិ៍២១មីនានេះ ថានឹងវាយប្រហារមូលដ្ឋានអាមេរិកនានានៅប្រទេសជប៉ុននិងនៅGam ។ ជាការគំរាមប្រឆាំងតបតចំពោះប្រតិបត្តិការនៃយន្តហោះទម្លាក់ គ្រាប់បែករបស់អាមេរិក ធុន B-52 នៅលើដែនអាកាសកូរ៉េខាងត្បូង។
អ្នកនាំពាក្យនៃទីបញ្ជាការជាន់ខ្ពស់កងទ័ពកូរ៉េខាងជើង បានថ្លែងនៅថ្ងៃ ព្រហស្បតិ៍នេះថា កូរ៉េខាងជើង មិនអត់អោនឲ្យជាដាច់ខាត ដល់សហរដ្ឋអាមេរិក ក្នុងការធ្វើសមយុទ្ធនុយក្លេអ៊ែរ ដែលជាការគំរាមកំហែងយ៉ាងធ្ងន់ធ្ងរលើកូរ៉េខាងជើង។
ទីក្រុងវ៉ាស៊ីនតោននិងសេអ៊ូល នាពេលបច្ចុប្បន្ននេះ កំពុងធើ្វសមយុទ្ធរួមគ្នាប្រចាំឆ្នាំ ក្នុងទ្រង់ទា្រយធំ រួមមានប្រតិបត្តិការហោះហើរហ្វឹកហាត់នៃ យន្ត ហោះទម្លាក់គ្រាប់បែកអាមេរិកធុន B52 ដែលអាចផ្ទុកគ្រាប់មីស៊ីល។ សមយុទ្ធរួម គ្នានេះដែលមានរយៈពេល២ខែចាប់តាំងពីខែមីនារហូតដល់ខែ មេសា ត្រូវបានកូរ៉េខាង ជើងប្រកាសកំរាមពីលើកមុនថា កូរ៉េខាងជើងនឹងវាយកម្ទេចកងទ័ពអាមេរិកប្រសិនបើអាមេរិក ហ៊ានធ្វើសមយុទ្ធជាមួយកូរ៉េខាងត្បូង។
អ្នកនាំពាក្យនៃកងទ័ពកូរ៉េខាងជើងដដែល បានបន្ថែមទៀតថា ” សហរដ្ឋអាមេរិកមិនត្រូវភ្លេចខ្លួនទេថា មូលដ្ឋាន Andersen នៃកងទ័ពជើងអាកាសអាមេរិកនៅ Gam ជាទីដែលយន្តហោះ B 52 ត្រូវចាប់ផ្តើមហោះចេញ ក៏ព្រមទាំងមូលដ្ឋានកងទ័ពជើងទឹកនានានៅលើកោះដ៏ចម្បងនៃ ប្រទេសជប៉ុននិងនៅលើកោះអូគី ណាវ៉ា សុទ្ធតែជាទីតាំងដែលកូរ៉េខាងជើង អាចវាយប្រហារដល់បានទាំងអស់”។
“ប្រសិនបើសត្រូវរបស់កូរ៉េខាងជើង ធ្វើការគំរាមដោយប្រើអាវុធនុយក្លេអ៊ែរ កូរ៉េខាងជើងនឹង ធ្វើការប្រឆាំងតបតដោយការវាយប្រហារអាវុធនុយក្លេអ៊ែរវិញដ៏ ក្លាំងក្លាបំផុត” នេះជាការបញ្ជាក់បន្ថែមរបស់អ្នកនាំពាក្យនៃកងទ័ពកូរ៉េខាងជើង។
ស្របគ្នានេះ ទីក្រុងព្យុងយ៉ាង បានប្រកាសដាក់កងទ័ពកូរ៉េខាងជើងនិងប្រជាជនខ្លួន ឲ្យស្ថិតនៅក្នុងស្ថានភាពអាសន្ននៅថ្ងៃព្រហស្បតិ៍នេះ-ស្ថានភាព អាសន្នដែលត្រូវបានផ្សព្វផ្សាយដល់ប្រជាជនកូរ៉េខាងជើងតាមរយៈបណ្តាញ វិទ្យុកូរ៉េខាងជើង។
ភាពតានតឹងនានានៅលើឧបទ្វីបកូរ៉េនេះ បានធ្លាក់ចុះដុនដាបយ៉ាងខ្លាំងមែន ទែនក្រោយពី កូរ៉េខាងជើងបានបាញ់សាកល្បងគ្រាប់មីស៊ីលដោយជោគជ័យកាល ពីខែធ្នូ ឆ្នាំ២០១២ ។ ការបាញ់នេះ ត្រូវបានកូរ៉េខាងត្បូងនិងអាមេរិកសម្ព័ន្ធមិត្តរបស់ខ្លួនចាត់ទុក ថា ជាការបាញ់ គ្រាប់មីស៊ីលអន្តរទ្វីប។ ជាបន្ទាប់មកទៀត កូរ៉េខាងជើង បានសាកល្បងកាំជ្រួចមីស៊ីលរបស់ខ្លួនជាលើកទី៣ទៀតនៅខែ កុម្ភៈមុននេះ រហូតដល់មានការដាក់ទណ្ឌកម្មជាថ្មីៗទៀតពីសំណាក់ក្រុមប្រឹក្សា សន្តិសុខនៃអសបប្រឆាំងនឹងទីក្រុងព្យុងយ៉ាង៕ដោយ នុយ ប៊ែរណាដែត (RFI)