ការប៉ះទង្គិចគ្នារវាងសាសនិកអ៊ិស្លាម និងព្រះពុទ្ធបណ្តាលឲ្យមានការបាត់បង់ជីវិត
ការប៉ះ ទង្គិចគ្នារវាងពុទ្ធសាសនិក និងអ្នកកាន់សាសនាអ៊ិស្លាមបានបណ្តាលឲ្យមនុស្សយ៉ាងហោចណាស់ ៥នាក់បាត់បង់ជីវិត ទោះបីជាតាមរបាយការណ៍មួយចំនួនបង្ហាញពីអ្នកបាត់បង់ជីវិតមាន ច្រើនជាងនេះក៏ដោយ។
ការប៉ះទង្គិចគ្នានេះកើត មានឡើងកាលពីថ្ងៃពុធ បន្ទាប់ពីមានជម្លោះមួយកើតមានឡើងរវាងប្តីប្រពន្ធកាន់ព្រះពុទ្ធ សាសនាមួយគូ និងម្ចាស់ហាងលក់មាសដែលកាន់សាសនាអ៊ិស្លាម។ បន្ទាប់មកមានមនុស្សរាប់រយនាក់បានចូលរួមនៅក្នុងកុបកម្មនេះ ហើយមនុសុ្សជាច្រើននាក់បានស្លាប់ដោយរួមទាំងព្រះសង្ឃព្រះពុទ្ធ សាសនាមួយអង្គផង។
បើ តាមសេចក្តីរាយការណ៍បានឲ្យដឹងថាចលាចលរបស់អ្នកកាន់ព្រះពុទ្ធ សាសនាក៏កើតមានឡើងនៅទូទាំងក្រុង Mandalay ដើម្បីជាការសងសឹកចំពោះការសុគតរបស់ព្រះសង្ឃមួយអង្គ។
កាលពីយប់មិញ អាជ្ញាធរបានប្រកាសពីបម្រាមគោចរជាថ្មីម្តងទៀត។ វិហារសាសនាអ៊ិស្លាមចំនួនពីរ សាលាសាសនាមួយ និងអគារមួយចំនួនទៀតរងការខូចខាត។
គេ មានការព្រួយបារម្ភថាអំពើហិង្សារវាងអ្នកកាន់សាសនាទាំងពីរនេះ នៅភាគខាងលិចប្រទេសមីយ៉ាន់ម៉ាអាចនឹងរាលដាលដល់កន្លែងផ្សេងទៀត ជាហេតុធ្វើឲ្យប៉ះពាល់ដល់ដំណើរការកែទម្រង់លទ្ធិប្រជាធិបតេយ្យ ក្នុងប្រទេសនេះ៕(Radio Australia)