ហ្វ៊ីលីពីនស្វែងរកដំណោះស្រាយជាមួយម៉ាឡេស៊ីក្នុងជម្លោះពលរដ្ឋនៅរដ្ឋសាបាស់
សេចក្ដីរាយការណ៍មួយឲ្យដឹងថា រដ្ឋមន្រ្តីការបរទេសនៃប្រទេសហ្វ៊ីលីពីន ត្រូវធ្វើដំណើរទៅប្រទេសម៉ាឡេស៊ីនៅថ្ងៃនេះ ដើម្បីជួបជាមួយសមាសភាគីរបស់លោក បន្ទាប់ពីមានការប៉ះទង្គិចគ្នារវាងកងទ័ពរបស់ម៉ាឡេស៊ីជាមួយ ពលរដ្ឋដែលដើរតាមមេដឹកនាំឥស្លាមជនជាតិហ្វ៊ីលីពីននៅក្នុងរដ្ឋ សាបាស់ ដែលជាកោះមួយ។
មានមនុស្ស៣១នាក់ស្លាប់នៅក្នុងជម្លោះដណ្ដើមតំបន់កាន់កាប់។
រដ្ឋ មន្រ្តីការបរទេសហ្វ៊ីលីពីន លោក Albert del Rosario និយាយថាក្រុងម៉ានិល ស្នើសុំឲ្យក្រុងគូឡាឡាំពួ ឲ្យមានការអត់ធ្មត់ក្នុងការដោះស្រាយជាមួយក្រុមពលរដ្ឋទាំងនោះ។
ជនជាតិ ហ្វ៊ីលីពីនប្រដាប់ដោយអាវុធជិត៣០០នាក់បានធ្វើដំណើរទៅកាន់កោះ សាបាស់ ដើម្បីទាមទារការទទួលស្គាល់សិទ្ធិកាន់កាប់តំបន់នោះ។
លោក Albert del Rosario គ្រោងនឹងស្នើសុំការអនុញ្ញាតពីប្រទេសប្រទេសម៉ាឡេស៊ីដើម្បីឲ្យនាវា ហ្វ៊ីលីពីនចូលទៅការសង្គ្រោះផ្នែកពេទ្យនិងកិច្ចការកុងស៊ុលពលរដ្ឋ នៅតំបន់នោះដែលកំពុងតែស្ថិតនៅក្នុងវិវាទ។
ប្រធានាធិបតីនៃ ប្រទេសហ្វ៊ីលីពីនសម្ដែងនូវក្ដីបារម្ភអំពីសុវត្ថិភាពរបស់ពលរបស់ ខ្លួនចំនួន៨សែននាក់ដែលរស់នៅក្នុងប្រទេសម៉ាឡេស៊ី ដោយសារតែជម្លោះនៅកោះសាបាស់៕ (Radio Australia)