សម្ថកិច្ចឃាត់ខ្លួនជនសង្ស័យម្នាក់ ជាវត្ថុតាងម៉ាទឹកកក ២១កញ្ចប់
ភ្នំពេញ ៖ កាលពីវេលាម៉ោង១០ ព្រឹកថ្ងៃទី៤ ខែមីនា ជនសង្ស័យម្នាក់ត្រូវបានកម្លាំងនគរបាលខណ្ឌដូនពេញឃាត់ខ្លួនជាមួយ វត្ថុតាងថ្នាំញៀនប្រភេទម៉ាទឹកកកចំនួន ២១ កញ្ចប់ ដែលលាក់ទុកក្នុងហោប៉ៅខោ នៅចំណុចផ្លូវរថភ្លើងកែងផ្លូវលេខ៧០ ភូមិទី១សង្កាត់ស្រះចក ខណ្ឌដូនពេញ។
ជនសង្ស័យដែលត្រូវឃាត់ខ្លួនមាន ឈ្មោះ ស្រីឌីវណ្ណរ៉ា ភេទប្រុសអាយុ៣១ឆ្នាំមុខរបរជាងជួសជុលរថយន្តស្នាក់នៅផ្ទះជួល សង្កាត់ទួលសង្កែ ខណ្ឌឫស្សីកែវ ត្រូវបានដកហូតវត្ថុតាងម៉ាទឹកកកចំនួន២១កញ្ចប់តូចទូរស័ព្ទដៃ២ គ្រឿង ម៉ូតូមួយគ្រឿងម៉ាកគុបជ្រុងពណ៌ទឹកប្រាក់ពាក់ស្លាកលេខយ 10 68កណ1និងលុយ22500រៀល។
ប្រភពព័ត៌មានពីសមត្ថកិច្ច បានឲ្យដឹងថា បន្ទាប់ពីកម្លាំងជំនាញបានទទួលព័ត៌មានសម្ងាត់ថា មានការជួញដូរគ្រឿងញៀននៅចំណុចកើតហេតុនោះទើបកម្លាំងបានចុះទៅដល់ កន្លែងនោះប្រទះឃើញជនសង្ស័យកំពុងឈរេរាក៏ឃាត់ខ្លួនឆែកឆេរឃើញមាន លាក់ថ្នាំញៀននៅក្នុងហោប៉ៅខោចំនួន២១កញ្ចប់ក៏នាំខ្លួនមកកាន់អធិការ នគរបាលខណ្ឌដូនពេញដើម្បីកសាងសំណុំរឿងបញ្ជូនទៅតុលាការនិង ស្រាវជ្រាវរកមេខ្លោងធំបន្ត៕ ហេង នាង
