នាយករដ្ឋមន្រ្ដីថៃសន្យាប្ដូរច្បាប់គ្រប់គ្រងការជួញដូរសត្វព្រៃ
លោកស្រីនាយករដ្ឋមន្រ្ដីថៃបាន សន្យាថា នឹងធ្វើការផ្លាស់ប្ដូរច្បាប់ថៃដើម្បីបញ្ឈប់ការធ្វើជំនួញពាណិជ្ជ កម្មភ្លុកសត្វនៅក្នុងប្រទេសថៃ។
លោក ស្រី យីងឡាក់ ស្ហ៊ីណាវ៉ាត្រ បានមានប្រសាសន៍បែបនេះនៅក្នុងពិធីបើកអង្គសន្និសីទអន្ដរជាតិនៅ ក្រុងបាងកកអំពីបញ្ហាការជួញដូរសត្វជិតផុតពូជ។
ក្រុមអ្នក អភិរក្សសត្វព្រៃបានធ្វើការស្វាគមន៍ចំពោះការប្រកាសនេះ ហើយបានលើកឡើងថា ប្រទេសថៃគឺជាទីផ្សារធំជាងគេទី២ក្នុងពិភពលោកបន្ទាប់ពីប្រទេស ចិនខាងការជួញដូរភ្លុកសត្វដោយខុសច្បាប់។
លោក John Scanlon អគ្គលេខាធិការនៃអង្គការប្រយុទ្ធប្រឆាំងនឹងការជួញដូរសត្វជិតផុត ពូជលើទីផ្សារអន្ដរជាតិបានឲ្យដឹងថា បច្ចុប្បន្នកំពុងមានការកើនឡើងនូវការគំរាមកំហែងចំពោះជីវិតសត្វ ដំរី និងសត្វរមាស ដោយសារតែសកម្មភាពនៃការជួញដូរខុសច្បាប់៕(Radio Australia)
