លោកស្នងការក្រុង ព្រមានមន្រ្តីនគរបាល មួយចំនួន ដែលយកប្រាក់តាមដងផ្លូវ
ភ្នំពេញ៖ កាលពីរសៀលថ្ងៃទី២៦ ខែកុម្ភៈ ឆ្នាំ២០១៣ នៅស្នងការដ្ឋានរាជធានីភ្នំពេញ បានបើកកិច្ចប្រជុំស្តីអំពីការពង្រឹងច្បាប់ចរាចរណ៍ផ្លូវគោក ដែលមានការចូលរួមពីលោកអធិការទាំង៩ខណ្ឌ និងមន្ត្រីនគរបាលចរាចរណ៍ជាង៣០០នាក់។
ថ្លែងនៅក្នុងកិច្ចប្រជុំ លោកផ្កាយបី ជួន សុវណ្ណ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានមានប្រសាសន៍ ព្រមានទៅលើមន្ត្រីនគរបាលមួយចំនួន ដែលបានយកប្រាក់តាមដងផ្លូវ ពីរថយន្តដឹកទំនិញដែលខុសច្បាប់ ការផាកពិន័យមិនត្រឹមត្រូវតាមច្បាប់កំណត់ ដែលធ្វើអោយខូចដល់ឈ្មោះដល់មន្ត្រីនគរបាលដទៃទៀត។
លោកជួន សុវណ្ណ បានបញ្ជាក់ថា បញ្ហានេះត្រូវតែបញ្ឈប់ និងត្រូវចាត់វិធានការអោយតឹងរឹង ចំពោះអ្នកបើកបរនៅពេលស្រវឹង និងអ្នកបង្កគ្រោះថ្នាក់ចរាចរណ៍ ហើយរត់គេចខ្លួន៕ ហេង នាង
