ស្រវឹងស្រាជិះម៉ូតូប៉ះរថយន្តគេបណ្ដាលឲ្យរងរបួស
ភ្នំពេញ៖ យុវជនម្នាក់ជិះម៉ូតូមួយគ្រឿងម៉ាកស្កូពីពណ៌ ផ្កាឈូកលាយស ពាក់ស្លាកលេខភ្នំពេញ1BQ7732ទៅបុករថយន្តរបស់ប្រជាពលរដ្ឋដែល ធ្វើដំណើរតាមបណ្ដោយវិថីព្រះនរោត្តមក្នុងទិសដៅត្បូងទៅជើងស្របទិស គ្នាបណ្ដាលឲ្យម៉ូតូស្កូពីដួលម្នាក់ឯង បណ្ដាលឲ្យរបួសបែកមាត់និងហើមមុខ ។
ហេតុការណ៍នេះបានកើតឡើង កាលពីវេលាម៉ោង២១និង៣០នាទីយប់ថ្ងៃទី២២ ខែកុម្ភៈ នៅតាមបណ្ដោយវិថីព្រះនរោត្តម ស្ថិតក្នុងសង្កាត់បឹងកេងកងទី១ ខណ្ឌចំការមន ។
ក្រោយពេលកើតហេតុយុវជនប្រមឹកខាងលើត្រូវបានសមត្ថកិច្ចនគរបាលនាំយក កាន់ស្នាក់ការប៉ុស្តិ៍ដើម្បីធ្វើការស្រាវជ្រាវរកសាច់ញាតិមកទទួល ត្រលប់ទៅលំនៅឋានវិញ។ ចំណែកឯម្ចាស់រថយន្តវិញមិនបានរករឿងអ្វីឡើយហើយជិះរថយន្តចេញទៅបាត់៕ ហេង នាង
