ស្រ្តីម្នាក់បើករថយន្តឆ្លងផ្លូវ មិនបន្ថយល្បឿនទៅបុកម៉ូតូកង់បី
ភ្នំពេញ៖ កាលពីវេលាម៉ោង ១០ និង១៥ នាទី យប់ថ្ងៃទី ២១ ខែកុម្ភៈ ស្រ្តីម្នាក់ វ័យប្រមាណជាង់ ៤០ឆ្នាំ មានមុខងារជាមន្រ្តីនគរបាលនៅក្រសួងមហាផ្ទៃបើករថយន្តទាំងស្រវឹង លុះមកដល់ចំនុចផ្លូវខ្វែង ក្នុងសង្កាត់ទួលស្វាយព្រៃ ២ ខណ្ឌចំការមន បន្ថយល្បឿនក៏បុកម៉ូតូកង់បី បណ្តាលឲ្យរងរបួសធ្ងន់។
សមត្ថ កិច្ចនៅកន្លែងកើតហេតុឲ្យដឹងថា មុនពេលកើតហេតុ មានរថយន្តម៉ាកCRV ពណ៌ទឹកប្រាក់ ពាក់ស្លាកលេខភ្នំពេញ 2K-2518 បើកបរដោយស្រី ម្នាក់ ទាំងខ្លួនស្រវឹង តាមបណ្តោយ ផ្លូវលេខ៣៤៨ ក្នុងទិសដៅពីកើត មកលិច លុះមកដល់ចំនុចផ្លូវខ្វែងលេខ២០៥ ក៏ស្រាប់តែមានម៉ូតូកង់បី ពណ៌ក្រហម ពាក់ស្លាកលេខកណ្តាល 1A-7294 បើកបរដោយភេទប្រុស ជិះម្នាក់តាមបណ្តោយផ្លូវលេខ២០៥ ក្នុងបំណងឆ្លងផ្លូវលេខ៣៤៨ ក៏ត្រូវរថយន្តCRV នេះបុកចំពាក់កណ្តាលម៉ូតូបណ្តាលឲ្យក្រឡាប់មួយចំហៀង កណ្តាលទ្រូងផ្លូវ ធ្វើឲ្យម្ចាស់ម៉ូតូ៣ សន្លប់ ។
ដោយឡែករថយន្ត ក្រោយបង្កហេតុ បានបើករថយន្តរត់មកដល់សង្កាត់ផ្សារដេប៉ូ១ ខណ្ឌទួលគោក ត្រូវសមត្ថកិច្ចដេញស្ទាក់ចាប់បានរួចយកទៅឈប់នៅកន្លែងកើតហេតុ វិញ ។ រថយន្ត និងម៉ូតូកង់៣ ត្រូវសមត្ថកិច្ចបញ្ជូន ទៅការិយាល័យនគរបាលចរាចរណ៍ផ្លូវគោករាជធានីភ្នំពេញ រងចាំការដោះស្រាយ៕ ហេង នាង
