សមត្ថកិច្ចបញ្ជូនខ្លួនក្មេងទំនើងបើកឡានដេញបុកប៉ុនប៉ងមនុស្សឃាតលើជនរងគ្រោះទៅសាលាដំបូង
ភ្នំពេញ ៖ នៅវេលាម៉ោង២រសៀល ថ្ងៃទី១៤ កុម្ភៈ ក្មេងទំនើងដែលជាកូនថៅកែលក់រថយន្ដទំនើបៗនៅជិតស្ដុបទេពផន ក្នុងខណ្ឌទួលគោក ដែលបានធ្វើសកម្ម ភាព បើកឡានទំនើបដេញបុកក្នុងគោល បំណងប៉ុនប៉ងមនុស្សឃាតមកលើជនរងគ្រោះកាលពីល្ងាចថ្ងៃទី១២ ខែកុម្ភៈ ត្រូវបានសមត្ថកិច្ចនគរបាល ចរាចរផ្លូវគោកនៃស្នងការដ្ឋាននគរបាល រាជធានីភ្នំពេញ បញ្ជូនខ្លួននិងរថយន្ដ ទៅកាន់សាលារាជធានីភ្នំពេញ
គួររំលឹកថា កាលពីវេលាម៉ោង៥និង ៣០នាទីល្ងាច ថ្ងៃទី១២ ខែកុម្ភៈ ឆ្នាំ២០១៣ នៅចំណុចផ្លូវលេខ៥១ កែងផ្លូវ១០៦ ឋិត ក្នុងសង្កាត់ស្រះចក ខណ្ឌដូនពេញ គេបាន ឃើញរថយន្ដម៉ាកមែកសឺដេស CLS 500 ពណ៌ខ្មៅ ពាក់ស្លាកលេខភ្នំពេញ 2AA-1000 បើកបរដោយក្មេងទំនើងម្នាក់ ឈ្មោះ ចាន់ ប៉ថេង អាយុ២៣ឆ្នាំ ជាកូន ថៅកែលក់រថយន្ដដ៏ទំនើបឈ្មោះ ម៉ុង មាន ទីលំនៅផ្ទះលេខ២៣២ ផ្លូវលេខ១៨២ កែង ផ្លូវលេខ២២៩ សង្កាត់ផ្សារដេប៉ូ១ ខណ្ឌ ទួលគោក និងរួមដំណើរជាមួយមិត្ដភក្ដិ ម្នាក់ទៀតមិនស្គាល់ឈ្មោះ អាយុប្រហាក់ ប្រហែលគ្នា បើកបរថយន្ដយ៉ាងលឿនក្នុង ទិសដៅពីកើតទៅលិច តាមផ្លូវលេខ១០៦ លុះមកដល់ផ្លូវលេខ៥១ជាផ្លូវកែង ក៏វាក់ ជាមួយអ្នកបើកម៉ូតូ ប៉ុន្ដែមិនបង្កឱ្យមាន បញ្ហាគ្រោះថ្នាក់អ្វីនោះទេ បែរជាក្មេង ទំនើងជិះឡានទំនើប បានបញ្ចេញនូវអាការ សំឡក់ឌឺដងបែបខឹងសម្បា និងបន្ថែម ល្បឿនដេញបុកអ្នកបើកម៉ូតូ ទើបធ្វើឱ្យ មានការភ្ញាក់ផ្អើល ។
ក្រុមអ្នកច្បាប់បានលើកឡើងថា អ្វី ដែលជនបង្កបានបើករថយន្ដដេញបុក ទៅលើជនរងគ្រោះតាមផ្លូវសាធារណៈ ជាអំពើទុច្ចរិតដែលជនបង្កមានចេតនា ប៉ុនប៉ងមនុស្សឃាត ដូច្នេះ បើទោះជា មានករណីសម្របសម្រួលណាមួយពីជនរងគ្រោះ ប៉ុន្ដែជនបង្កនៅតែជាប់បណ្ដឹង អាជ្ញាធរ ដែលជាបទល្មើសព្រហ្មទណ្ឌ ដូច្នេះហើយទើបសមត្ថកិច្ចបញ្ជូនខ្លួនជន សង្ស័យ រួមទាំងរថយន្ដដែលជាមធ្យោ បាយធ្វើសកម្មភាពប៉ុនប៉ងធ្វើឃាតទៅ លើជនរងគ្រោះ ទៅកាន់សាលាដំបូងរាជធានីភ្នំពេញ ៕
