យុវជនម្នាក់រងរបួសបាក់ជើងដោយសារជិះម៉ូតូទៅប៉ះម៉ូតូកង់បី
ភ្នំពេញ៖ កាលពីវេលាម៉ោង ៣និង៥៨នាទីយប់ថ្ងៃទី ១៣ ខែកុម្ភៈ យុវជនម្នាក់ជិះ ម៉ូតូទៅប៉ះគ្នាជាមួយម៉ូតូកង់បីបណ្ដាលឲ្យរងរបួសបាក់ជើង និងម្ចាស់ម៉ូតូកង់បីរងរបួសស្រាល នៅតាមបណ្ដោយផ្លូវសុធារស សង្កាត់ចតុមុខ ខណ្ឌដូនពេញ។
តាមប្រភពព័ត៌មានបានឲ្យដឹងថាមុនពេលកើតហេតុគេឃើញយុវជនម្នាក់ បើកបរមួយម៉ូតូមួយគ្រឿងម៉ាកសេ១២៥ខណ៌ ខ្មៅពាក់ស្លាកលេខភ្នំពេញ1R3617ធ្វើដំណើរតាមបណ្ដោយផ្លូវសុធារស ក្នុងល្បឿនយ៉ាងលឿន ទិសដៅពីត្បូងទៅជើង លុះមកដល់ចំណុចកើតហេតុខាងលើស្រាប់តែមកប៉ះ គ្នាជាមួយនិងម៉ូតូកង់បីមួយគ្រឿងទៀតពណ៌លឿងអត់ស្លាកលេខ ក្នុងទិសដៅស្របគ្នាបណ្ដាលឲ្យរង ការខូចខាតធ្ងន់ធ្ងរទាំងសងខាងនិងម្ចាស់ម៉ូតូសេ១២៥ រងរបួសធ្ងន់ និងម្ចាស់ម៉ូតូកង់បីរងរបួសស្រាល តាមប្រភពព័ត៌មានមួយទៀតបានឲ្យដឹងថា ម៉ូតូសេ១២៥ទៅប៉ះជាមួយនិងម៉ូតូកង់បីដោយ សារតែម៉ូតូកង់បីកំពុងបត់មកឆ្វេងដៃក្នុងទិសដៅទៅត្បូង។ ចំណែកម៉ូតូសេ១២៥ជិះមកត្បូងក្នុងល្បឿនឃើញដូចនោះម៉ូតូសេ១២៥ វ៉ាក់អើ ចាប់ហ្វ្រាំមិនទាន់ក៏ជ្រុលទៅប៉ះយ៉ាងពេញទំហឹងតែម្តង។
ក្រោយពេលកើតហេតុម្ចាស់ម៉ូតូសេ១២៥ ត្រូវបានបញ្ជូនទៅសង្គ្រោះនៅមន្ទីរពេទ្យ ។ចំណែកម៉ូតូកង់បីនិងម៉ូតូសេ១២៥ ត្រូវបានសមត្ថកិច្ចនគរបាលចរាចរណ៍មូលដ្ឋានចុះវាស់វែងដក ហូតយកទៅរក្សាទុកនៅអធិការដ្ឋាននគរបាលខណ្ឌដូនពេញដើម្បីចាត់ការតាមច្បាប់៕ ហេង នាង
