ទីក្រុង Bundaberg នៃរដ្ឋ Queensland កំពុងរងគ្រោះដោយសារទឹកជំនន់
លោកស្រី នាយករដ្ឋមន្ត្រីអូស្ត្រាលីមានប្រសាសន៍ថា ទាហានចំនួន ១០០នាក់ត្រូវអាជ្ញាធរបញ្ជូនទៅជួយនៅក្នុងទីក្រុង Bundaberg នៃរដ្ឋ Queensland ដែលកំពុងរងគ្រោះដោយសារទឹកជំនន់។
ឧទ្ធម្ភាគចក្រ Blackhawk ចំនួន ៤គ្រឿង និងយន្តហោះប្រភេទ Hercules ចំនួនពីរគ្រឿងកំពុងត្រូវអាជ្ញាធរប្រើនៅក្នុងការជួយសង្គ្រោះ និងជម្លៀសពល រដ្ឋទៅកាន់ទីសុវត្ថិភាពពីគ្រោះទឹកជំនន់។
យន្តហោះ ធន់ C-17 មួយគ្រឿងហោះហើរដឹកសម្ភារៈ និងបរិក្ខារផ្សេងៗទៅឲ្យទីក្រុងដែលកំពុងរងការបំផ្លិចបំផ្លាញ ដោយសារគ្រោះទឹកជំនន់នេះ។
លោកស្រី Julia Gillard មានប្រសាសន៍ថា អាជ្ញាធរកំពុងរៀបចំផ្ដល់ថវិកាជួយសង្គ្រោះទៅឲ្យបណ្ដាជនរងគ្រោះ នៅទូទាំងរដ្ឋ៕
មកទល់នឹងពេលនេះមានមនុស្សចំនួន ៤នាក់ស្លាប់ ដោយសារទឹកជំនន់នៅរដ្ឋ Queensland និងនៅរដ្ឋ New South Wales កុមារអាយុបីឆ្នាំម្នាក់បានស្លាប់ដោយសារដើមឈើបាក់សង្កត់៕ (Radio Australia)