សម្ថកិច្ចឃាត់ខ្លួនជនសង្ស័យម្នាក់ពីបទឆបោកម៉ូតូ
ភ្នំពេញ ៖ កាលពីវេលាម៉ោង១៩ ថ្ងៃទី១៨ ខែមករា ជនសង្ស័យម្នាក់ត្រូវបានកម្លាំង នគរបាលប៉ុស្ដិ៍ ទឹកល្អក់ទី៣ ឃាត់ខ្លួន បន្ទាប់ពីជន សង្ស័យខាងលើបាន ឆបោកម៉ូតូជនរងគ្រោះកាលពីថ្ងៃទី១៤ ខែ មករា ឆ្នាំ២០១៣ នៅចំណុចកន្លែងទទួលបញ្ចាំលេខ១ ផ្លូវលេខ២៤៧សង្កាត់ទឹកល្អក់ទី៣ ខណ្ឌទួលគោក ។
ជនសង្ស័យដែលសមត្ថកិច្ចឃាត់ខ្លួនបានមាន ឈ្មោះ សែម ស៊ីណាត ភេទប្រុស អាយុ២៩ ឆ្នាំ មុខរបរមិនពិតប្រាកដ ស្នាក់នៅផ្ទះជួល គ្មានលេខ ផ្លូវជាតិលេខ៦អា ភូមិបាក់ខែង សង្កាត់បាក់ខែង ខណ្ឌឫស្សីកែវ ។ ចំណែក ជនរងគ្រោះជាម្ចាស់ម៉ូតូឈ្មោះភឿន ភារៈ ភេទប្រុស អាយុ២៤ឆ្នាំ មុខរបរធ្វើចំការ ស្នាក់នៅភូមិជន្លេន ឃុំឫស្សីជ្រោយ ស្រុក មុខកំពូល ខេត្ដកណ្ដាល ។
បច្ចុប្បន្នជនសង្ស័យឃុំខ្លួនបណ្ដោះអាសន្ន នៅអធិការដ្ឋាននគរបាលខណ្ឌទួលគោក ដើម្បីកសាងសំណុំរឿងបញ្ជូនទៅកាន់សាលា ដំបូងចាត់ការបន្ដ ៕
ដោយ៖ ហេង នាង
