បុរសម្នាក់ត្រូវរថយន្តបុកបណ្តាលឲ្យរងរបួសធ្ងន់
ភ្នំពេញ៖ កាលពីវេលាម៉ោង២៣និង៣០ នាទី យប់ថ្ងៃទី១៧ ខែមករា រថយន្តឡិចស៊ីស មួយគ្រឿងបើកទៅបុកពីក្រោយបុរសម្នាក់ដែលកំពុងជិះម៉ូតូតាមដង ផ្លូវបណ្ដាលឲ្យ រងរបួសធ្ងន់ Zនៅតាមបណ្ដោយវិថីព្រះនរោត្តម ស្ថិតក្នុងសង្កាត់ទន្លបាសាក់ ខណ្ឌចំការមន។
ប្រភពព័ត៌មាននៅកន្លែងកើតហេតុបានឲ្យដឹងថាមុនពេលកើតគេឃើញបុរស រងគ្រោះដែលពុំទាន់បានស្គាល់អត្តសញ្ញាណខាងលើនេះ បានបើកបរម៉ូតូមួយគ្រឿងម៉ាក វីវ៉ាពណ៌ ខ្មៅពាក់ស្លាកលេខភ្នំពេញ1V6834 តាមបណ្ដោយមហាវិថីព្រះនរោត្តម ក្នុងល្បឿនមធ្យមទិសដៅពីជើងទៅត្បូង ខណៈពេលដែលធ្វើដំណើរមកដល់ចំណុចមុខក្រសួងកសិកម្មរុក្ខាប្រមាញ់និង នេសាទ ក៏មានរថយន្តមួយគ្រឿងម៉ាកឡិចស៊ីស ពណ៌សឥតចាំស្លាកលេខ បានមកបុកពីក្រោយយ៉ាងពេញទំហឹងបណ្ដាលបុរសរងគ្រោះខាងលើរងរបួសធ្ងន់ បែកក្បាលខាងក្រោយហូរឈាមរហាមដេកសន្លប់ស្ដូកស្ដឹង។
ក្រោយពេលកើតហេតុរថយន្តបង្កហេតុ បានជិះរត់គេចខ្លួនបាត់ ។ ចំណែកជនរងគ្រោះត្រូវបានបញ្ជូន ទៅសង្គ្រោះនៅមន្ទីរពេទ្យដើម្បីសង្គ្រោះ បន្ទាន់។ ចំណែកម៉ូតូត្រូវបានសមត្ថកិច្ចនគរបាលប៉ុស្តិ៍យកទៅរក្សាទុកនៅ ទីស្នាក់ការប៉ុស្តិ៍ទន្លេបាសាក់រងចាំ សាច់ញាតិមកទទួលយកទៅវិញ៕
ដោយ៖ ហេង នាង
