អូស្ត្រាលីស្វាគមន៍កូរ៉េខាងជើងដែលចង់បើកឡើងវិញនូវស្ថានទូតនៅក្នុងទីក្រុង Canberra
រដ្ឋាភិបាលអូស្ត្រាលីបានបញ្ជាក់ថា ប្រទេសកូរ៉េខាងជើងចង់បើកឡើងវិញនូវស្ថានទូតរបស់ខ្លួននៅក្នុងទីក្រុង Canberra។
ក្រសួងការបរទេសអូស្ត្រាលីបានឲ្យដឹងថា រដ្ឋាភិបាលអូស្ត្រាលីមិនជំទាស់នឹងសំណើនេះទេ។
អ្នក នាំពាក្យឲ្យក្រសួងការបរទេសអូស្ត្រាលីមានប្រសាសន៍ថា ស្ថានទូតកូរ៉េខាង ជើងអាចនឹងជាមធ្យោបាយមួយក្នុងការទំនាក់ទំនងផ្ដល់ សារសំខាន់ជាមួយនឹងទីក្រុងព្យុងយ៉ាងស្តីពីបញ្ហាកម្មវិធីអាវុធ នុយក្លេអ៊ែរ និងសិទ្ធិមនុស្ស។
ក្រសួងការបរទេសអូស្ត្រាលីបាន ឲ្យដឹងថា ប្រទេសកូរ៉េខាងជើងបានបិទស្ថានទូតនៅទីក្រុង Canberra នៅក្នុងឆ្នាំ២០០៨ ដោយសារមូលហេតុហិរញ្ញវត្ថុ។
លោក Bob Carr បានមានប្រសាសន៍ស្វាគមន៍ចំពោះការបើកជាថ្មីឡើងវិញនៃស្ថានទូត កូរ៉េខាងជើងនៅក្នុងប្រទេសអូស្ត្រាលី។ លោករដ្ឋមន្ត្រីមានប្រសាសន៍ថា ស្ថានទូតកូរ៉េខាងជើងនៅទីក្រុង Canberra នឹងជួយក្នុងការផ្ដល់នូវព័ត៌មានពីការបារម្ភអំពីវិបត្តិសិទ្ធិ មនុស្សនៅក្នុងប្រទេសកូរ៉េខាងជើង ដែលមើលទៅហាក់មានលក្ខណៈជាប្រព័ន្ធក្នុងការរំលោភសិទ្ធិមនុស្សនៅ លើពិភពលោកនេះ៕(Radio Australia)
