ក្រុមក្មេងស្ទាវ ២ក្រុមដេញកាប់គ្នាផ្អើលពេញភូមិ
ភ្នំពេញ៖ កាលពីវេលាម៉ោង៩ និង ៣០នាទីយប់ថ្ងៃទី១៤ ខែមករាក្រុមក្មេងស្ទាវ២ក្រុម មាន៧-៨នាក់ បានដេញកាប់គ្នាផ្អើលអស់ប្រជាពលរដ្ឋក្នុង ស្ថិតនៅក្នុងភូមិគោកឃ្លាង សង្កាត់ភ្នំពេញថ្មី ខណ្ឌសែនសុខ។
ប្រភពពីប្រជាពលរដ្ឋនៅក្នុងភូមិកើតហេតុបានឲ្យដឹងថា ក្មេងស្ទាវទាំង២ក្រុម ជាកូនប្រជាពលរដ្ឋរស់នៅ ក្នុងភូមិខាងលើ នៅវេលាម៉ោងកើតហេតុ បានដេញកាប់ ចាក់គ្នាយ៉ាងប្រសាច។ ដោយអ្នកខ្លះ ប្រដាប់ដោយដំបង និងខ្លះទៀតកាន់កាំបិត ខ្សែក្រវ៉ាត់ និងដុំថ្ម ក៏មាន ដេញវាយគ្នាហាក់គ្មានខ្លាចរអាអ្វីទាំងអស់។
ក្រោយពីដេញកាប់ចាក់គ្នាបានមួយសន្ទុះ កម្លាំងសមត្ថកិច្ច បានចុះមកដល់ និងដេញចាប់បានបក្ខពួកក្មេងស្ទាវ បាន៤នាក់ យកទៅអប់រំ រីឯបក្ខពួកមួយចំនួនទៀត បានរត់គេចខ្លួនបាត់អស់៕
ដោយ៖ ហេង នាង
