យុវជនម្នាក់ ត្រូវស្រ្តីម្នាក់ប្តឹងពីបទចាប់រំលោភ
ភ្នំពេញ៖ យុវជនម្នាក់ ដែលជាជនសង្ស័យត្រូវបានស្រ្តីម្នាក់ប្តឹង ឲ្យនគរបាលឃាត់ខ្លួន ដោយចោទប្រកាន់ថា យុវជនរូបនេះ បានបន្លំធ្វើជាបងប្អូន របស់នាង ឲ្យនាងបើកទ្វារ រួចច្រានទ្វាររុញនាងចូលក្នុងបន្ទប់ ធ្វើសកម្មភាពចាប់រំលោភនាង រហូតបានសម្រេចម្តង នៅក្នុងបន្ទប់នោះ។
ករណីឃាត់ខ្លួនជនសង្ស័យនេះ កើតឡើងកាលពីវេលា ម៉ោង៩និង៣០នាទី ព្រឹកថ្ងៃទី ១៤ខែមករា ឆ្នាំ២០១៣ ស្ថិតនៅក្នុងផ្ទះជួល ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
នគរបាលបានឲ្យដឹងថា ជនសង្ស័យមានឈ្មោះ ម៉ាក វៃ ភេទប្រុស អាយុ ២៧ឆ្នាំ មានមុខរបរមិនពិតប្រាកដ ស្នាក់នៅផ្ទះជួល ក្បែរនារីរងគ្រោះដែរ មានស្រុកកំណើតភូមិជម្រៅ ឃុំតាំងយ៉ាប ស្រុកព្រៃកប្បាស ខេត្តតាកែវ រីឯនារី រងគ្រោះមានឈ្មោះ អ ស អ អាយុ ២៧ឆ្នាំ ស្នាក់នៅផ្ទះជួលកើតហេតុ មានស្រុកកំណើតកំពង់ឆ្នាំង ។
បច្ចុប្បន្នជនសង្ស័យ ត្រូវនាំយកទៅកាន់ប៉ុស្តិ៍នគរបាលចោមចៅ ដើម្បីសាកសួដើម្បីកសាងសំណុំរឿង បញ្ជូនទៅកាន់នគរបាលជំនាញ ចាត់ការបន្ត ទៅតាមនីតិវិធីច្បាប់៕
ដោយ៖ ហេង នាង
