ដើមឆ្នាំនេះសេដ្ឋកិច្ចរបស់អូស្រ្តាលីបង្ហាញសញ្ញាចុះថមថយ
ការរកការងារធ្វើនៅប្រទេសអូស្រ្តាលីបាន ជួបការលំបាកជាងមុនដោយ សារតែភាពខ្សត់ខ្សោយការងារ ហើយតួលេខបង្ហាញអំពីសញ្ញានៃការចុះខ្សោយសេដ្ឋកិច្ចជាតិរបស់ អូស្រ្តាលី។
តួលេខដែលវិទ្យុអូស្រ្តាលីទទួលបាននោះ បង្ហាញថាកាលពីខែធ្នូកន្លងទៅនេះ ការផ្សព្វផ្សាយដំណឹងការងារបានថយចុះចំនួនជិត៤% ដែលជាការធ្លាក់ចុះជាបន្តបន្ទាប់ក្នុងរយៈពេល១០ខែ។ បើប្រៀបធៀបនឹងឆ្នាំ២០១១ គឺឆ្នាំ២០១២មានការធ្លាក់ចុះនូវការផ្សាយការងារចំនួន១៦%។
អ្នកជំនាញសេដ្ឋកិច្ចរបស់ធនាគារ ANZ និយាយថា អត្រានៃភាពគ្មានការងារធ្វើនឹងកើនឡើងជាង៥%។
ចំណែក ឯតម្លៃប្រេងសាំង ដំណើរកម្សាន្តនិងការស្នាក់នៅស្ថិតនៅថេរកាលពីខែធ្នូ។ ប៉ុន្តែចំនួនមនុស្សទិញផ្ទះបង់រំលោះដើម្បីស្នាក់នៅបានធ្លាក់0.5% ក្នុងខែវិច្ឆិកាមុន៕ (Radio Australia)
