ខឹងថាចោរលួចមាន់កាប់ ៣ពូថៅរងរបួសធ្ងន់
ភ្នំពេញ៖ កាលពីវេលាម៉ោងប្រមាណ៥ និង៣៥នាទីល្ងាចថ្ងៃទី១៣ ខែមករា មានហេតុការណ៍មួយបានកើតឡើងដោយសារតែជម្លោះពាក្យសំដី និងខឹងថាឱ្យជាចោរលួចមាន់ បានធ្វើឱ្យជន បង្កមិនយកពូថៅកាប់ទៅលើភាគីម្ខាង ទៀត បណ្ដាលឱ្យរងរបួសធ្ងន់ត្រូវ បានក្រុមគ្រួសារនិងសាច់ញាតិជួយដឹកបញ្ជូន មកកាន់មន្ទីរ ពេទ្យកាល់ម៉ែត ដើម្បីសង្គ្រោះ។
ហេតុការណ៍កាប់ប្រហារនឹងពូថៅ បណ្ដាល ឱ្យបុរសម្នាក់រងរបួសធ្ងន់ ស្ទើរស្លាប់នោះ បានកើតឡើងស្ថិតនៅក្នុងភូមិជ្រោយអម្ពិល សង្កាត់ ក្បាលកោះ ខណ្ឌមានជ័យ រាជធានីភ្នំពេញ។
ជនរងគ្រោះដែល រងរបួសធ្ងន់ ឈ្មោះហៀង វីរៈ អាយុ៣២ ឆ្នាំ មុខរបរលក់ដូរ មានទីលំនៅក្នុងភូមិ សង្កាត់កើតហេតុខាងលើ រីឯជនបង្កប្រហែល ជាអ្នករស់នៅក្នុងភូមិ មិនទាន់ត្រូវបាន សមត្ថកិច្ចប្រាប់អត្ដសញ្ញាណនៅឡើយ ប៉ុន្ដែ បានរត់គេចខ្លួនបាត់។
ប្រភពព័ត៌មានពីសាច់ញាតិជនរងគ្រោះបានឱ្យដឹង ថា មូលហេតុដែលនាំឱ្យមានការកាប់ប្រហារ គ្នាខាងលើនេះ បានកើតឡើង ដោយ សារតែ ជនបង្ក នៅពេលដែលដើរជួបជាមួយជនរង គ្រោះ ស្រាប់តែជនរងគ្រោះនិយាយទៅកាន់ ថា យ៉ាងម៉េចចង់មកលួចមាន់អញទៀតឬ ពេលនោះជនបង្កក៏ត្រឡប់ ទៅផ្ទះវិញ យកពូថៅមកកាន់ជនរងគ្រោះ ដែលមិនដឹងខ្លួន ចំនួន៣កន្លែង ចំក្បាលនិង ចំដងខ្លួន បណ្ដាលឱ្យរងរបួសធ្ងន់៕
