ម៉ូតូពីរគ្រឿងបុកគ្នារងការខូចខាតទាំងសងខាង
ភ្នំពេញ ៖ កាលវេលាម៉ោង១០និង៣០នាទីយប់ ថ្ងៃទី១២ ខែមករា ម៉ូតូពីរគ្រឿងបុកគ្នាយ៉ាងពេញទំហឹង ខណៈពេលដែលម៉ូតូអែកប្លែកកំពុងឆ្លងផ្លូវ ជាហេតុបណ្តាលឲ្យម៉ូតូហុងដាសេ១២៥លឿនជាន់ហ្វ្រាំងមិនទាន់ នៅមុខសាលាជាស៊ីមសាម្គី តាមបណ្តោយផ្លូវ២៧១ ក្នុងសង្កាត់បឹងសាឡាង ខណ្ឌទួលគោក។
ប្រភពព័ត៌មាននៅកន្លែងកើតហេតុបានឲ្យដឹងថាមុនពេលកើតហេតុបុរសម្នា ក់បានជិះម៉ូតូហុងដាសេ១២៥ តាមបណ្តោយផ្លូវ២៧១ ពីជើងទៅត្បូង ក្នុងល្បឿនលឿន ជាន់ហ្វ្រាំងមិនទាន់ក៏ជ្រុលចង្កូតទៅបុកម៉ូតូអែកប្លែក ជិះដោយបុរសម្នាក់ ដែលកំពុងឆ្លងផ្លូវ បណ្តាលឲ្យម៉ូតូទាំង២ដួលប្រាវទៅនិងថ្នល់ តែជាំសំណាងល្អមិន បណ្តាលឲ្យរងរបួសធ្ងន់នោះទេ គ្រាន់តែរលាត់ដៃជើងតិចតួចប៉ុណ្ណោះ។
ក្រោយពេលកើតហេតុភាគីម្ចាស់ម៉ូតូទាំង២បានសុំសម្របសម្រួលគ្នា ដោយគ្មាននណាសងនណា ហើយលើកម៉ូតូជិះបន្តទៅមុខរៀងៗខ្លួន៕
ដោយ៖ ហេង នាង
