បុរសម្នាក់ចងសម្លាប់ខ្លួនលើដើមប្រេងខ្យល់
ភ្នំពេញ៖កាលពីព្រឹកព្រលឹមថ្ងៃទី១១ ខែមករានេះ សាកសពបុរសមិនស្គាល់អត្តសញ្ញាណម្នាក់ត្រូវបានគេប្រទះឃើញចងកសម្លាប់ខ្លួននៅលើដើមប្រេងខ្យល់ នៅក្នុងដីឡូតិ៍ មួយកន្លែងតាមបណ្តោយផ្លូវលេខ១០៥K ក្នុងភូមិក្រាំងអង្ក្រង ស្ថិតក្នុងសង្កាត់ក្រាំងធ្នុង ខណ្ឌពោធិ៍សែនជ័យ។
ប្រភពព័ត៌មានបានឲ្យដឹង សាកសពបុរសដែលចងកសម្លាប់ខ្លួននៅចំណុចកើតហេតុខាងលើនេះ គឺពុំទាន់បានស្គាល់អត្តសញ្ញាណនៅឡើយទេ ប៉ុន្តែនៅក្នុងខ្លួនរបស់សាកសពខាងលើគេពុំឃើញមានអត្តសញ្ញណប័ណ្ណ ប័ណ្ណសំគាល់ខ្លួនណាមួយ ឡើយគឺមានតែប្រាក់ចំនួនប្រាំមួយពាន់រៀលតែប៉ុណ្ណោះ។
បច្ចុប្បន្នសាកសពបុរសខាងលើនេះ ត្រូវបានប៉ូលិសជំនាញកំពុងធ្វើកោសល្យវិច្ច័យ ហើយដឹកយកទៅតម្កល់ទុកនៅវត្តទឹកថ្លា ដើម្បីរង់ចាំសាច់ញាតិមកទទួលយកទៅធ្វើបុណ្យតាមប្រពៃណី៕
ដោយ៖ ហេង នាង
