រថយន្ត ២គ្រឿងបុកគ្នាបណ្តាលឲ្យរងការខូចខាតទាំងស្រុង
ភ្នំពេញ៖ កាលពីវេលាម៉ោង៣និង៥០នាទីទៀបភ្លឺ ឈានចូលថ្ងៃទី១១ ខែមករា រថយន្ត២ គ្រឿង បើកបុកគ្នាយ៉ាង ពេញទំហឹង ខណៈដែលអ្នក បើកបរសុទ្ឋតែ ស្រវឹងទាំងសងខាង បណ្តាលឲ្យរថយន្ត ទទួលរងការ ខូច ខាតទាំងស្រុង ស្ថិតនៅត្រង់ចំណុចផ្លូវបែកជា៤ មុខហាងអត់បញ្ហា តាមបណ្តោយផ្លូវ១៦៣ កែងផ្លូវ៣៦០ ក្នុង សង្កាត់ទួលស្វាយព្រៃ១ ខណ្ឌចំការមន។
ប្រភពព័ត៌មាន ពីកន្លែងកើតហេតុបានឲ្យដឹងថា មុនពេលកើតហេតុ រថយន្តម៉ាកលុច្សស៊ីស RX300 ពណ៌ខ្មៅ បើកបរដោយបុរសម្នាក់ តាមបណ្តោយ ផ្លូវលេខ៣៦០ ក្នុងទិសដៅពីកើតទៅលិច ក៏ទៅបុកចំមួយ ចំហៀងខាងឆ្វេង រថយន្តកូរ៉ូឡា ស៊េរី៩៥ ពណ៌ស្ករ បើកបរដោយបុរស រួមជាមួយស្រ្តីម្នាក់ ដែលកំពុងធ្វើ ចរាចរណ៍តាម បណ្តោយផ្លូវលេខ ១៦៣ ក្នុងទិសដៅពីត្បូងទៅជើង។
នៅពេលដែលរថយន្តលុច្សស៊ីសបុ ករថយន្តកូរ៉ូឡាហើយនោះ រថយន្តលុច្សស៊ីសបានវិល១ជុំ ទៅធ្លាក់ក្បែរលូ បណ្តាលឲ្យដាច់កង់ក្រោយខាងស្តាំ ។ ចំណែករថយន្តកូរ៉ូឡាបាន ខ្ទាតទៅបុកបង្គោលភ្លើងបំភ្លឺផ្លូវ បណ្តាលឲ្យបុរសដែល ជាអ្នកបើកបររងរបួស បែកក្បាល ។ចំពោះរថយន្តទាំង២គ្រឿងបានរងការខូចខាតស្ទើទាំងស្រុង។
ក្រោយពីកើតហេតុ នគរបាលបានចុះទៅវាស់វែងរួច នាំយករថយន្តទាំង២គ្រឿងទៅរក្សា ទុកនៅការិយាល័យចរាចរផ្លូវគោករាជធានីភ្នំពេញរងចាំដោះស្រាយតាមនីតិវិធីច្បាប់៕
